Kompania “Banana kick” ka reaguar ndaj konferencës së koalicionit LEN duke thënë se nuk janë të përfshirë në krim, ashtu siç e akuzoi koalicioni “Lidhja Evropiane për Ndryshim”, përcjell Telegrafi Maqedoni.
Në vazhdim reagimi i plotë i kësaj kompanie “Në lidhje me artikujt dhe deklaratat e fundit të publikuara nga disa gazetarë dhe përfaqësues të partive politike, dëshirojmë të shprehim kategorikisht se shpalljet dhe informacionet e ofruara janë të pavërteta dhe shpikura për të dëmtuar imazhin tonë dhe të ndikojnë në besueshmërinë tonë.
Nuk jemi të përfshirë në asnjë veprimtari të paligjshme, dhe ne mbajmë të qartë se këto akuzat janë përpjekje për të na demtuar pa bazë dhe pa prova. Për më tepër, akuzat e bëra në lidhje me përdorimin e një kampanje të zi Piar janë të pavërteta dhe shpikura për të shkaktuar dëme serioze imazhit tonë të ndërmarrjes.
Ne e kuptojmë nevojën për një debat të lirë dhe të hapur, por kërkojmë nga gazetarët dhe përfaqësuesit e partive politike të jenë të përgjegjshëm në përdorimin e informacionit dhe të bëjnë një verifikim të plotë para se të publikojnë lajme apo deklarata të tilla.
Ndërkohe, ne jemi të gatshëm të bashkëpunojmë me mediat dhe organet përgjegjëse për të siguruar transparencë dhe për të sqaruar çdo dyshim. Kërkojmë një trajtim të drejtë dhe profesionist nga ana e mediave dhe politikanëve në përgjithësi.
Si një ndërmarrje që i kushton theks të veçantë integritetit dhe besueshmërisë, do të ndërmarrim të gjitha masat e nevojshme ligjore për mbrojtjen e imazhit tonë dhe shpërndarjen e informacioneve të sakta dhe të verifikuara.
Ju lutemi të heqni dorë nga përdorimi i emrave të ndryshëm dhe etiketave të pavërteta, duke pasur parasysh se kjo sjellje jo vetëm që shkakton dëme imazhit tonë, por gjithashtu shkakton një humbje besimi në besueshmërinë e mediave dhe politikës në përgjithësi.
Ju falenderojmë për kuptimin dhe mbështetjen tuaj në këtë çështje të rëndësishme.” thuhet në reagim. /Telegrafi/