Ballkanit i është bllokuar afati kalimtar i janarit, ndërsa nga klubi kanë thënë se problemi është zgjidhur.
Gjatë ditë doli lajmi që Ballkani nuk ka të drejtë të transferojë këtë vit futbollistë, për shkak të një borxhi të prapambetur.
Këtë e ka pranuar edhe presidenti i Ballkanit, Arsim Kabashi, i cili ka thënë se çështja është zgjidhur.
Kabashi ndër të tjera ka zbuluar edhe arsyen e bllokimit të transferimeve, ku sipas tij, deri te bllokimi erdhi për një transferimi që e kishin kryer në vitin 2019.
“Afati kalimtar na është bllokuar, por e kemi paguar dënimin. Nuk është bllokuar për shkak të portierit Rexhepi pasi ai ka qenë në prova. Jemi dënuar për shkak të një futbollisti (Demir) Avdic që ka qenë para dy viteve tek ne. Kemi bërë pagesën, ka qenë shumë e vogël, tashmë kemi hapur përsëri afatin kalimtar”, ka deklaruar Arsim Kabashi për Insportin.
Ballkani në vitin 2019 kishte prezantuar blerjen e Demir Avdic, sulmuesin nga Novi Pazari që më parë kishte luajtur te Trepça ’89. /Telegrafi/