Ballkani ka arritur të marr një fitore të lehtë ndaj Besës debutuese në Superligë me rezultat 4-1.
Të besuarit e Ismet Munishin ishin më të mirë nga fillimi deri në fund, duke e dominuar kundërshtarin në çdo repart.
Golin e parë në ndeshje e realizoi Ermal Krasniqi në minutën e 19-të të ndeshjes (1-0). Ai realizoi gol shumë të bukur me gërshërë.
Me këtë rezultat u mbyll pjesa e parë, ndërsa në të dytën ishte radha e Mirlind Dakut.
Gjilanasi shënoi het-trik brenda 18 minutash. Fillimisht ai shënoi në minutën e 50-të, duke përfituar nga një gabim i Blazo Rajovic.
Pas tre minutash Daku shënoi në portën e zbrazet për 3-0.
He-triku i tij u kompletua në minutën e 68-të, duke shënuar nga pika e bardhë.
Krejt çfarë bëri Besa ishte goli i nderit i shënuar në minutën e 90-të me Gentrit Salihu që përfitoi nga një gabim i ‘gardianit’ Kenan Haxhihamzës. /Telegrafi/