Ballkani ka fituar derbin e xhiros së 13-të në BKT Superligën e Kosovës ndaj Dritës me rezultat të pastër 2-0.
Suharekasit kanë dominuar në këtë takim nga fillimi deri në fundin e saj, përballë Dritës që sot nuk tregoi thuajse asgjë.
Përkundër dominimit nga skuadra vendase dhe rasteve të krijuara, në 45 minutat e para nuk pati gola dhe ato u mbyllën me rezultat të pastër 0-0.
Pjesa e dytë i takoi tërësisht Ballkanit që dominoi me raste, por që shënoi edhe dy gola.
Ishte minuta e 54-të e ndeshjes, kur kapiteni Edvin Kuc vodhi një top dhe asistoi për Solomon i cili realizoi për 1-0.
Vetëm katër minuta më vonë, sulmuesi afrikan i iki mjaftë mirë grackës së ofsajdit dhe shënoi nga distanca për 2-0.
Solomon pati mundësi të kompletoj het-trikun më vonë, por goditja e tij fantastike u ndal nga shtylla.
Drita krijoi shumë pak në këtë ndeshje, derisa vlen të përmendet shtylla nga Ardian Cuculi.
Kujtojmë që gjilanasit mbetën me një futbollist më pak në fushë, kur në minutën e 92-të u përjashtua Muharrem Jashari.
Ballkani kësisoj mori tri pikë, që e dërgojnë në krye të tabelës që tani udhëheq me 24 pikë, dy më shumë se Drita që mbetet e dyta. /Telegrafi/