Llapi dhe Ballkani kanë publikuar tashmë formacionet zyrtare për ndeshjen derbi të vlefshme për javën e 32-të në BKT Superligën e Kosovës.
Lideri i tabelës, Ballkani është mysafir i Llapit në ndeshjen e cila pritet të zhvillohet në stadiumin “Zahir Pajaziti” nga ora 15:00.
Ekipi i Ilir Dajës është në formë të lartë me pesë fitore radhazi dhe synon të gjashtën, pasi në rast fitoreje atëherë do të bëhet edhe matematikisht kampion i Kosovës.
Në anën tjetër, ekipi i Tahir Batatinës është gjithashtu në formë të lartë me katër fitore radhazi, por dëshiron fitoren e radhës pasi mund të ngjitet në pozitën e tretë në tabelë.
Trajnerët e të dyja skuadrave kanë vendosur të startojnë me formacionet më të mira të mundshme.
Llapi: Avdyli; Idrizi, Prenci, Neto, Emini; Shabani, Krasniqi, Ramadani; Rivera; Selmani, Veliu;
Ballkani: Frashëri; Ar.Thaqi, Hoxha, As.Thaqi, Potoku; Dellova, Kuc; Korenica, Gripshi, Krasniqi; Baftiu;
/Telegrafi/