Baleti Kombëtar i Kosovës nderohet me Çmimin e Ekselencës në Arte në Uashington DC

Egzona Shigjeqi

3 years ago

Baleti Kombëtar i Kosovës është nderuar me çmimin e Ekselencës në Arte në Uashington DC.

Këtë e kanë njoftuar përmes një shkrimi të publikuar në faqen e tyre zyrtare në Facebook.

Në deklaratë thuhet se ky çmim iu dha në përkujtim të Ditës Botërore të Diversitetit Kulturor për Dialog dhe Zhvillim.

Ky është postimi i plotë i tyre:

“Me kërkesë të z. Charles E. Schumer, Senatorit të Shteteve të Bashkuara të Amerikës, ky flamur u valëvit për nder të Kreshnik Musolli, Baleti Kombëtar i Kosovës për nder të arritjes së jashtëzakonshme me Çmimin Ekselencë në Arte në përkujtim të Ditës Botërore të Diversitetit Kulturor për Dialog dhe Zhvillim. Faleminderit për fuqizimin e marrëdhënieve SHBA-Kosovë, prezantimin kulturor dhe për përsosmërinë tuaj artistike.

28 Maj 2021, Washington DC”. /Telegrafi/