Profesori Universitar Qashif Bakiu, në një intervistë për TV Shenja, ka komentuar zhvillimet politike në vend. Ai thotë se OBRM-PDUKM-ja do të tentojë ta zgjasë krizën, ndërsa LSDM ka përkrahje ndërkombëtare por i mungon guximi i duhur për ta dëbuar regjimin aktual, përcjell Telegrafi Maqedoni.
“Mendoj se në ditën e nesërme do të kthehet skenari i vjetër, me monologjet për të bllokuar parlamentin, edhe pse kjo po harxhohet nga dita në ditë. Mendoj se OBRM-PDUKM-ja do të mundohet sa më shumë ta zgjasë këtë proces, në mënyrë që mos të vijë deri tek epilogu përfundimtarë, respektivisht formimi i qeverisë”, u shpreh Bakiu./Telegrafi/