Lideri i Partisë së romëve, Amdi Bajram, në konferencën për shtyp tha se ekziston tentativë për fshehjen e incidentit të djeshëm në komunën Shuto Orizare në të cilin u lëndua djali i tij dhe njëkohësisht kandidat për kryetar të kësaj komune, Elvis Bajram edhe një anëtar tjetër i partisë, sepse nuk jepen të gjitha detalet për sulmin fizik, por nuk ka qenë i informuar as Prokurori publik edhe pse ëhtë obligim ligjor.
Sipas tij, të dy kanë qenë të sulmuar gjatë kryerjes së aktiviteteve të rregullta, në vizitë të shtabeve zgjedhore të partisë nga persona të cilët, siç thotë ai, janë të njohur për policinë dhe kanë qenë të angazhuar nga partia e Nezhdet Mustafës, që është në koalicion me LSDM-në.
Ai shtoi se nuk bëhet fjalë për zënkë që ka dalë nga një fjalosje ndërmje tyre, por ka të bëjë me tetntim për vrasje, sepse gjatë sulmit janë përdorur shufra hekuri dhe sëpata.
Nga partia e Amdi Bajram ftojnë edhe Ministrin për punë të brendshme të ndriçojnë rastin./Telegrafi/