Kryetari i Mitrovicës, Agim Bahtiri ka bërë të ditur se kanë filluar punimet për rregullimin e shtratit të lumit Ibër.
Bahtiri ka thënë se ka inspektuar punimet të cilat kanë filluar për realizimin e projektit për rregullimin e shtratit të lumit Ibër, i cili do të shtrihet deri tek Ura e Ibrit dhe sipas tij, do të posedoj një infrastrukturë të mrekullueshme.
Ai ka shtuar se ky është njëri prej projekteve më të mëdha që realizohet në qytetin e Mitrovicës, që përfshinë rregullimin e shtegut për këmbësor, hapësira gjelbërimi, ndriçim publik, mure mbrojtëse dhe ura kaluese.
Bahtiri po ashtu ka thënë se rregullimi i shtratit të lumit Ibër do të kushtoj rreth 1.8 milionë euro, projekt që bashkë-financohet nga komuna e Mitrovicës dhe Ministria e Mjedisit dhe Planifikimit Hapësinor./Telegrafi/
