Alex Baena mohoi kategorikisht në rrjetet sociale se i kishte thënë Fede Valverdes të qajë tani që djali itij nuk do të lindë, siç pretendon rrethi i uruguaianit dhe që ishte shkas për agresionin e lojtarit të Real Madridit ndaj atij të Villarrealit në parking makinash në Bernabeu.
“Është totalisht rreme që unë e kam thënë këtë”, ka shkruar Baena në llogarinë e tij në Twitter dhe Instagram.
Baena iu referua edhe grushtit të Valverdes, megjithëse nuk e përmendi në asnjë moment emrin e tij: “Shumë i trishtuar për agresionin që pësova pas ndeshjes dhe i befasuar nga ajo që flitet për mua”.
“Në ndeshjen e Kupës së Mbretit, Baena e goditi Feden dhe i tha: ‘Qaj tani që djali yt nuk do të lindë’. Kjo mbeti aty, por sot ai tha diçka të ngjashme dhe Fede u nxeh. Prandaj e priti në parkingun e makinave dhe i tha se ‘nuk duhej ta përfshinte familjen e tij”, shpjegoi shoqëruesi i Valverdes për MARCA-n.
Për të komentuar teorinë e rrethit të Valverdes, Baena ri-postoi komentin e një përdoruesi (@elmodelo14) në të cilin ai siguron se është e pamundur që lojtari i Villarrealit t’ia thoshte këtë frazë uruguaianit. Bonino, partnerja e lojtarit të Real Madridit, ka zbuluar në një intervistë problemet që kishte vuajtur në fillimet e shtatzënisë.
Postimi i shpërndarë nga Baena nuk është plotësisht i vërtetë pasi thashethemet se Valverde dhe Bonino po kalonin një problem serioz familjar u shfaqën më 15 janar (pesë ditë para ndeshjes kundër Villarrealit në Kupën e Mbretit) me një postim të vetë Minas pasi Real Madrid humbi finalen e Superkupës së Spanjës kundër Barcelonës. /Telegrafi/
Muy contento con la impresionante victoria del equipo en un escenario como el Santiago Bernabéu, pero al mismo tiempo muy triste por la agresión que he sufrido tras el partido y sorprendido por lo que se está diciendo sobre mi persona. ES TOTALMENTE FALSO QUE YO DIJERA ESO. pic.twitter.com/PPHpf7xhK8
— Álex Baena (@alexbbaena) April 9, 2023