Loja e re thirret Bad Piggies dhe luhet me derrat si karakteret kryesore të lojës e jo zogjtë e nevrikosur. Poashtu, loja duket se ndryshon mjaft nga Angry Birds.
Në Bad Piggies, idea e lojës është transporti i mallrave përmes derrave të cilët lëvizin përmes karrocave të krijuara. Bad Piggies është tani e gatshme për shkarkim në dyqanin online Play të Google si dhe në atë të Apple për pajisjet iOS me një çmim prej 0.99 dollar.
Duket se loja do të bëhet mjaft e famshme pasi që vetëm pas tri orëve të daljes online, ka zënë vendin e parë në dyqanet online të aplikacioneve në Amerikë. Gjithashtu, sipas disa informatave, loja e re nga Rovio është pozicionuar në vend të parë edhe në Britani të Madhe. /Telegrafi/