Një ngjarje e rëndë e ndodhur pasditen e sotme në qytetin e Lushnjes, tronditi opinionin publik.
Ishte ora 15:30 kur babë e bir ndodheshin në vinç dhe aksidentalisht prekën telat e tensionit të lartë, lëvizje e cila ua mori jetën.
Dyshohet se një bombolë oksigjeni ka nxitur shpërthimin e fuqishëm që la pas edhe disa të plagosur, mes tyre edhe deputetin socialist Bujar Çela. Shpërthimi u ndje në të gjithë qytetin.
Si pasojë e shpërthimit humbi jetën në vendngjarje vinçieri, ndërsa djali i tij humbi jetën rrugës për Tiranë për te Trauma. I riu kishte vetëm pak kohë që ishte kthyer nga emigracioni, shkruan TCH.
Sot ishte dita e parë e punës për të dy, por ata nuk e dinin që kjo do të ishte edhe dita e fundit.