Në internet është postuar një video, në të cilën shfaqet një veturë që ndalet midis rruge dhe nga ajo del një grua duke mbajtur në duar foshnjën e vet.
Ajo më pas ia dorëzon fëmijën punëtorit të një restorantit të McDonalds, para syve të cilit ndodh një ngjarje e tmerrshme, transmeton Telegrafi.
Nëna e pafat Jessica Wilson, ka deklaruar se ishte munduar të dal nga vetura në mënyrë që të parandalojë që bija e saj të bie në duart e babait që po mundohej ta rrëmbente.
Në video shihet punëtori i McDonalds duke shikuar me vëmendje gjithë situatën e krijuar, i cili i thotë gruas: “Ma jep mua fëmijën”.
Megjithatë, Bat Levenski Krost, babai i foshnjës, arrin ta fus në veturë dhe të largohet nga vendi i ngjarjes.
Jessica ka mbetur e shokuar duke i kërkuar kalimtarëve t’i telefonojnë policisë.
Ndërkaq sipas raportit të policisë, babai i nervozuar kishte thyer derën e apartamentit të ish-gruas të cilën e kishte rrahur deri në alivanosje, dhe më pas e kishte futur në veturë ku pas disa minutave ishte kthjellur.
Ajo e kishte kuptuar aty se në veturë ishin që të katër fëmijët e saj, përfshirë edhe vajzën dy vjeçe e cila u bë protagoniste e videos.
Raportohet se policia ka arrestuar Bat-in, i cili kishte pranuar se kishte ushtruar dhunë në familje. /Telegrafi/
