Martesa e dy të rinjve nga Malisheva, Fitimit dhe Zelfijes bëri bujë në mediat tona.
Ata kurorëzuan dashurinë e tyre me martesë një muaj më parë, në një ceremoni ku pati shumë të ftuar dhe atmosfera nuk mungoi.
Në media sot u tha se dhëndëri Fitimi është 14 vjeçar ndërkaq nusja Zelfija 13 vjeçare, gjë e cila ngriti edhe reagimin nga avokatët, sociologët e madje edhe qytetarët e shumtë në rrjetet sociale.
Por një gjë të tillë e ka përgënjeshtruar babi i Fitimit, Fazlia.
Ai në një deklaratë për KTV-në, ka thënë se djali i tij Fitimi është 16 vjeçar ndërkaq nusja 15 vjeçare.
“Djali im është fejuar me një vajzë. Në kohën kur janë fejuar vajza i ka pasur 13 vjet dhe tash edhe tre muaj i bënë 16, kurse djali im edhe dy muaj i bënë 17 vjet”, ka thënë ai.
Babai i Fitimit më tej është shprehur se martesa është bërë me vullnetin e të dyve.
“Ata janë dashuruar na sun jau prishim qefin. Na shtek qe i mysim djalin as çiken s’kem”, ka thënë ai.
Sipas ligjit,në të gjitha shtetet por edhe në Kosovë është e ndalur të martohet një i mitur nën moshën 18 vjeçare./Telegrafi/