Në Shkup, në rrugën Pavel Shatev dje ka pasur zjarr në një shtëpi e cila u dogj tërësisht por për fat të mirë nuk ka pasur viktima, shkruan Telegrafi Maqedoni.
Pasi zjarrfikësit kishin arritur në vendin e ngjarjes kanë filluar të shpëtojnë banorët e shtëpisë që digjej.
Zjarrfikësi shpëtoi djalin e vogël të kësaj familje që ishte i vetëm brenda në shtëpi.
Drama filloi pasi u shpëtua fëmija. Në vend që t’i falemnderohet, babai filloi ta rrah zjarrfikësin.
Policia dhe njësiti ‘Alfa’ e ndaluan sulmin ndaj zjarrfikësit duke e arrestuar babain dhunues.
Kjo ngjarje mbaroi me një raport të policisë dhe padi ndaj babait për dhunën e ushtruar. Zjarrfikësi mori lëvdata nga kolegët dhe fqinjët për punën e bërë. /Telegrafi/
