Babai i sëmurë i aktorit Macaulay Culkin, i famshëm për rolin e tij kryesor në seritë “I vetëm në shtëpi” (“Home Alone”), ka thënë se nuk ka ndërmend të pajtohet me të birin.
71-vjeçari, i cili ka pësuar së fundmi një goditje në tru, e sulmoi ashpër të birin, i cili u vendos në krah të mamasë Patrica Brentrup, në një betejë ligjore për kujdestarinë e tij në vitin 1995.
“Nuk e konsideroj më si djalin tim,” është shprehur Kit Culkin për Daily Mail, transmeton Mapo.
Edhe Kit ka qenë aktor, ndërsa për të birin e tij, Macaulay, mendohej se do ishte një yll i madh i kinemasë.
Mirëpo, pas shkëlqimit në fëmijëri, karriera e tij nuk njohu rritje. Ai ka pasur probleme me alkoolin dhe drogën.
