Artisti me origjinë nga Kosova, Azet ka publikuar bashkëpunimin e radhës.
Këtë herë ai ka bashkëpunuar me reperin gjerman me përudhje libaneze, Zuna, me të cilin numëron edhe disa projekte të tjera.
Kënga e dyshes mban titullin “Karussell” dhe është realizuar edhe nga ana vizuale, ku ata shfaqen pranë disa femrave joshëse dhe teksa shijojnë një jetë luksoze.
Projekti i dy artistëve është prodhim i kompanisë SBS Entertainment nën menaxhimin e të cilëve është Azet teksa miksimi dhe masterizimi nga Sir Jai.
Theksojmë që Azet përveç në trojet shqiptare gëzon famë dhe suksese edhe në ato gjermanë-folëse.
Reperi njihet edhe për bashkëpunimet e shumta me artistët shqiptarë, i fundit është “Tequila” që e solli në duet me reperen Tayna.
Ndryshe, Azet dhe Zuna janë në mesin e artistëve që prite të performojnë në “Sunny Hill Festival” që mbahet nga 4 deri më 7 gushtë në parkun e Gërmisë në Prishtinë. /Telegrafi/
