Edmond Azemi ka folur para ndeshjes me Ukraninën, e cila do të zhvillohet nesër në kuadër të kualifikimeve Eurobasket 2017.
Kapiteni i përfaqësueses së Kosovës kërkoi nga bashkëlojtarët që ta harrojnë humbjen kundër Sllovenisë.
Azemi tha se dueli me ukrainasit do të jetë i vështirë dhe kërkojë mbrojtje me agresive kundër ukrainasve, transmeton Telegrafi.
“Siç tha kryetari dhe elektori këtë lojë (Slloveninë) duhet më harruar, duhet t’i përmirësojmë gabimet që bëmë me Slloveninë dhe ta kemi parasysh se Ukraina është ekip shumë i fortë, është e njëjtë si Sllovenia”.
“Lojën me Slloveninë mbrojtja nuk ka qenë në nivel të duhur, por në lojë me Ukrainën mbrojtja jonë besoj se do të jetë shumë më agresive, nuk do ta lejojmë kundërshtarin të shënon shumë pikë, siç ka shënuar Sllovenia dhe i ftojë të gjithë tifozët, ata të cilët e duan Kosovën dhe basketbollin si sport le të vijnë të na përkrahin ekipin tonë dhe na duhet përkrahja e tyre për të nxjerr një rezultat pozitiv”, ka pohuar Azemi.
Kujtojmë se Sllovenia triumfoi në ndeshjen e parë kundër Kosovës, kurse Ukraina triumfoi kundër Bullgarisë. /Telegrafi/