Prokuroria Themelore në Gjakovë ka njoftuar se sot me datën 24 janar 2019, një ish zyrtarë ligjor në këtë prokurori, tash avokat Y.GJ., nga Komuna e Gjakovës, ka kanosur personin D.K., nga personeli i sigurimit në Prokurorinë Themelore në Gjakovë.
“Rasti ka ndodhur rreth orës 11:00 ,përderisa i dëmtuari D.K, ishte duke e kryer detyrën e tij të punës, avokati Y.GH, nuk e ka përfillur atë dhe procedurat e rregullores së Prokurorisë , duke hyrë brenda në Prokurori, dhe përderisa ka dalë jashtë e ka kanosur atë duke përdorur fjalët “ do ta shohësh kush jam unë”, “Rrugaç” dhe fjalë tjera.
Për rastin e njëjtë është lajmëruar policia, e cila është në ndjekje të personit Y.GJ”, thuhet në njoftimin për media. /Telegrafi/