Avokati i familjes Dehari, Tomë Gashi në një konferencë për media në dy mujorin e vdekjes së Astrit Deharin në Qendrën e paraburgimit në Prizren tha se deklaratat e ministres së Drejtësisë, Dhurata Hoxha po krijojnë konfuzion, ndërsa lidhur me incizimet e dala në opinion tha se janë të prera.
Ai në një konferencë për media tha se në obduksionin për Astrit Deharin ka marrë pjesë vetën një përfaqësues i EULEX-it, e jo tre, madje edhe ai përfaqësues i EULEX-it ka qenë shumë pasiv.
Avokati i familjes Dehari po ashtu tha se kërkesa për marrjen e incizimeve nga burgu është bërë katër ditë pas vrasjes së Astritit, e jo siç ka deklaruar ministrja Hoxha se janë konfiskuar menjëherë pas rastit.
Gashi tha se videot janë lehtë të manipulueshme. Ai tha se shihet saktësisht prerja e incizimeve.
Sipas avokatit, qelia ku ka qenë Dehari nuk është mbyllur deri 16:50 e 35 sekonda, ndërsa rasti është lajmëruar se ka ndodhur në orën 15:00, ku kanë raportuar të burgosurit pas kthimit nga pauza
Gashi thotë se ministrja ka injoruar 24 mijë nënshkrimet e qytetarëve ku kanë kërkuar dorëheqjen e saj. /Telegrafi/
