Kryetari i degës së Partisë Demokratike të Kosovës në Mitrovicë, Avni Kastrati, në Ballë për Ballë të Klan Kosovës ka ironizuar me deklaratën e Agim Bahtirit se është “i aftë për të drejtuar Qeverinë e Kosovës”.
Kastrati ka adresuar një varg kritikash në drejtim të kryetarit aktual për premtime boshe.
“Agim Bahtiri ka bërë premtime të mëdha në fushatën e tij për kryetar. Pati premtuar 15 mijë vende pune, investime milionëshe dhe të tjera, por shumica dërrmuese e tyre nuk janë realizuar”, ka thënë ai. “Nuk dua të komentoj deklaratat e Agim Bahtirit, por dëshiroj që unë dhe qytetarët e Kosovës të qeshim me të. Të gjithë e njohin. Nëse qytetarët e Mitrovicës mendojnë për të mirën e tyre nuk do ta votojnë. Sepse përveç projekteve në infrastrukturë ai nuk ka bërë asgjë tjetër”.