Në Malajzi ka filluar punën avio-kompania e parë që operon në përputhje me ligjin e Sheriatit, raporton Russia Today.
Gjatë fluturimit përurues gjatë vikendit të kaluar, aviokompania malajziane “Rayani Air” ka transportuar 150 pasagjerë nga kryeqyteti Kuala Lumpur në Langkavija, një destinacion i njohur turistik ku edhe është selia e kompanisë së re, transmeton lajmi.net.
Gjatë fluturimit, nuk janë shërbyer pije alkoolike, kurse pasagjerët kishin në dispozicion vetëm ushqim hallall.
“Stjuardesat myslimane që punojnë si pjesë e ekuipazhit të kabinës, janë të obliguara të bartin hixhabin, derisa femrat jomyslimane obligohen të veshin uniformë të mirë”, ka deklaruar drejtori ekzekutiv i kompanisë Jafar Amhara.
Aviokompania aktualisht ka në dispozicion dy lloje të Boeing 737, por shpreson se gjatë viteve të ardhshme të ofrojë fluturime për në Mekë. Në kompaninë e re janë të punësuar 355 persona, në mesin e të cilëve janë 8 pilotë dhe 50 anëtarë të ekuipazhit dhe kabinës. /Telegrafi/