Kompania më e madhe e të drejtave autoriale në vend, AVD Digital, ka rikthyer në YouTube super hitin “U harrum” të reperit Ledri Vula, këngë e cila u fshi ditë më parë nga ky kanal.
“U harrum” gjendet tashmë në YouTube me klikimet e njëjta, si dhe datë dhe kohë të njëjtë me ditën kur është publikuar.
Kompania AVD Digital, njëherit kompania e cila menaxhon shumë artistë të njohur të estradës për projektet e tyre muzikore në YouTube, sqarojnë se videoja është bllokuar dhe jo fshirë komplet, dhe kjo ka ndodhur ngase YouTube e ka cilësuar si një duplikim të dyfishtë, përllogaritur me një tjetër video ilegale e cila rridhte në YouTube me të njëjtin emër dhe titull.
Por, tani gjithçka është rregulluar, dhe kanali YouTube pranon vetëm një video të këngës “U harrum” të reperit Ledri Vula; atë që është e publikuar në kanalin zyrtar të reperit, i cili menaxhohet nga AVD Digital. /Telegrafi/
