Ava Max pozon me ngjyrat e ylberit me rastin e muajit të krenarisë

Këngëtarja shqiptare me famë botërore, Ava Max, është shumë aktive dhe e ndjekur në rrjetet sociale.

Ajo shpesh ndan me ndjekësit fotografi dhe video të ndryshme nga jeta e përditshme apo aktivitetet muzikore.

Së fundmi, 27-vjeçarja ka shprehur mbështetjen e saj për komunitetin LGBTI, me rastin e muajit qershor, që ndryshe njihet si muaji i krenarisë, dedikuar këtij komuniteti.

Këtë ajo e ka bërë në sajë të një fotografie të publikuar në InstaStory, ku bëhet fjalë për një imazh të ripërpunuar nga fansat, që e shfaqë artisten të veshur në ngjyrat e ylberit.

“E dua këtë! Muaji i krenarisë”, ka shkruar Ava Max në mbishkrimin e fotografisë.

Artistja me origjinë nga Shqipëria përndryshe është duke vazhduar të shijojë suksesin e albumit të saj debutues në tregun ndërkombëtar, “Heaven and Hell”, të cilin e publikoi në muajin shtator.

Përndryshe, pak kohë më parë ajo solli baladën “EveryTime I Cry”, që është pritur mirë nga fansat e saj. /Telegrafi/