Artistja shqiptare me famë ndërkombëtare, Ava Max, është duke shijuar suksese të mëdha në fushën e saj.
Muajin e kaluar ajo hodhi në treg albumin e parë debutues, i cili mban titullin “Heaven and Hell”.
Në kuadër të albumit të ri, biondja së fundmi njoftoi se do të lansojë me klip njërën prej këngëve të quajtur “OMG what’s happening”.
E njëjta ka ndarë një video të shkurtër në Instagram, përmes të cilës tregon se nesër lansohet videoklipi i ri.
“OMG what’s happening, nesër”, ka shkruar ajo duke mos zbuluar një orë të saktë të publikimit të këngës.
Reagimet e fansave ishin të shumtë, të cilët duket se mezi po presin për këtë prurje të 26 vjeçares.
“Heaven and Hell” ndërkohë është bërë albumi i tretë më i dëgjuar nga një artiste femër në platformën e njohur Spotify. /Telegrafi/