Agjencia për Ushqim dhe Veterinari sot në konferencë për shtyp njoftoi se gjatë kontrolleve të ushqimeve në Maqedoni, në dy dërgesa (prodhime) janë vërtetuar modifikime gjenetike (GMO – Genetically modified organism). Nga AUV thanë se njëra dërgesë është oriz nga Koçani, i cili është në hetime dhe pritet zhdukja e tij.
“Dërgesa e dytë është soja, me prejardhje nga Serbia. Prodhimi është lëshuar në treg, megjithatë është tërhequr. Priten rezultatet nga analizat dhe pas tyre, ky prodhim do të shkatërrohet”, thanë nga AUV.
Nga AUV shtuan se kontrolle janë kryer edhe tek disa operatorë të mishit, ku edhe atje kanë konstatuar shkelje.
“Mes tjerash dua të them se gjatë kontrolleve të mishit tek disa prodhues është konfirmuar se në mishin e derrit janë përdorur edhe prodhimet tjera, që është e ndaluar. Këto operatorë janë dënuar me nga 5 mijë euro dhe se organet do të vazhdojnë me kontrollet”, thanë nga AUV.
Në fund ata shtuan se rrezikun nga prodhimet GMO duhet ta tregojë shkenca./Telegrafi/
