Agjencia e Ushqimit dhe Veterinarisë njofton se nga ana e Policisë Kufitare të Republikës së Maqedonisë së Veriut në hyrje të qytetit të Dibrës, gjatë kontrollit të rregullt të automjetit të pasagjerëve me targa të Shkupit, është konstatuar se transport ilegal i kafshëve pa dokumente përkatëse për lëvizjen e kafshëve me pasaporta të vlefshme të kafshëve.
Nga AUV thonë se gjatë inspektimit të jashtëzakonshëm të kryer nga një veteriner zyrtar i njësisë rajonale të Agjencisë së Ushqimit dhe Veterinarisë (AUV) nga Dibra, është konstatuar se bëhet fjalë për 17 gjedhe (viça) të moshës 8 deri në 10 muaj, me origjinë nga fermat në fshatin Vitolisht, Komuna e Prilepit.
“Kafshët janë konfiskuar nga veterineri zyrtar dhe janë dorëzuar në Agjencinë për Pasuri të Konfiskuara për procedura të mëtutjeshme. Një veteriner zyrtar gjatë ditës së sotme do të veprojë në përputhje me kompetencat e Ligjit për Shëndetin Veterinar dhe Ligjit për Identifikimin dhe Regjistrimin e Kafshëve. Agjencia e Ushqimit dhe Veterinarisë vazhdon luftën e saj të pakompromis kundër korrupsionit dhe përballjes me të gjitha veprimet e paligjshme”, thonë nga AUV.