Drejtori i Ndërmarrjes Publike “Rrugët Shtetërore”, Ejup Rustemi në emisionin “10 minuta” në “TV21” tha se autostrada Tetovë-Gostivar nuk i përmbush standardet evropiane.
Ai theksoi se këtë vit pritet të nisin punimet për zgjerimin e së njëjtës.
“Sa i përket autostradës Tetovë-Gostivar dua të potencojë se është e vërtetë se nuk i plotëson standardet evropiane për autostradë, prandaj edhe ne e kemi paraparë zgjerimin e kësaj autostrade me Bechtel Enka dhe shpresoj që shumë shpejtë do të nënshkruajmë marrëveshje dhe këtë vit do të fillojë zgjerimi dhe ndërtimi i kësaj autostrade prej Tetove deri në Gostivar”, deklaro Rustemi.