Rusia ka filluar një ndjekje penale kundër një oficeri policie të akuzuar për rrjedhjen e të dhënave që mund të kishin ndihmuar në identifikimin e helmuesve të Alexei Navalnyt, një kritik i flaktë i Kremlinit.
Nëse dënohet për abuzim të pushtetit, një oficer policie përballet me 10 vjet burg. Ai u arrestua muajin e kaluar dhe aktualisht është në arrest shtëpiak, konfirmoi një gjykatë në qytetin e Samaras.
Autoritetet akuzojnë oficerin si përgjegjës për nxjerrjen e informacionit konfidencial nga një bazë e të dhënave e njerëzve që udhëtojnë në të gjithë vendin, raporton reuters.
Informacioni që u zbulua i referohet fluturimeve në të cilat ishin agjentët e shërbimit të sigurisë FSB, të specializuar në armë kimike, për të cilat hetimi deklaroi se ata ndoqën Navalnyn fshehurazi për disa vjet.
Navalny u dërgua për shërim në shtetin gjerman pasi u helmua në Siberi. Gjermania dhe vendet e tjera perëndimore pretendojnë se ishte një atentat me agjent nervor, por autoritetet ruse kanë mohuar çdo përfshirje në çështje dhe ndërkohë kanë hapur një hetim kundër lideri opozitar. /Telegrafi/