Një fotografi që tregon një vajzë të shtrirë në një binar hekurudhor ku trenat kalojnë deri në 135 km/h ka nxitur një apel sigurie nga Network Rail të Britanisë së Madhe.
Sipas mediave të huaja, përcjell Telegrafi, vajza dhe një shoqe u kapën nga kamerat e sigurisë në një kalim afër Horsham, West Sussex, Angli.
Dhe Network Rail gjithashtu lëshoi imazhe të dy djemve që ecnin në binarin e Bewbush, West Sussex.
Por autoritetet kanë thënë se kanë parë një rritje të kalimtarëve të tillë, të rinj në Sussex.
Në këtë drejtim, Nicola Dooris, menaxher i sigurisë Network Rail, tha: “Në atë pjesë të binarëve, shpesh trenat udhëtojnë me shpejtësi deri në 135 km/h dhe me atë shpejtësi, ndryshe nga makinat, trenat mund të marrin qindra metra për të ndaluar, një fakt që shumë të rinj nuk e kuptojnë”. /Telegrafi/