Ky është momenti kur një kamion cisternë që transportonte 14,000 galon derivate përplaset në rrethojën mbrojtëse të një autostrade në Michigan, SHBA – dhe përfshihet nga zjarri duke shpërthyer dhe bllokuar qarkullimin e mjeteve në këtë segment të autostradës në Detroit.
Videoja 10-sekondëshe e publikuar nga autoritetet në Troy, shfaq kamionin cisternë duke u përplasur në murin mbrojtës dhe menjëherë përfshihet nga zjarri, transmeton Telegrafi.
Shoferi 46-vjeçar që transportonte 14,000 galon lëndë djegëse, ka arritur të dalë me shpejtësi nga kabina – duke shpëtuar me vetëm disa lëndime të lehta trupore, pavarësisht që mjeti përfshihet nga zjarri.
Zyrtarë të ministrisë së Transportit kanë mbyllur autostradën për të dyja drejtimet, derisa kamioni me derivate për dy orë nxirrte flakë. E zjarrfikësit përdorën shkumë për të pastruar rrugët nga mbetjet e kamionit që u shkrumbua. /Telegrafi/
