Skuadra e Arsenalit nën 18 vjeç, e drejtuar nga ish-lojtari Jack Wilshere, ka pasur një moment të pazakontë këtë të shtunë, ku ka gabuar vendin qe do të zhvillohet ndeshja.
Skuadra e “Topçinjve” kishte planifikuar një udhëtim drejt Brighton, por sipas shtypit anglez, autobusi që transportonte ekipin, gaboi rrugën dhe përfundoi në qytetin e Bournemouth, gjithashtu në jug të Anglisë, por 3.5 orë më larg se Brighton, duke penguar kështu zhvillimin e ndeshjes.
Fillimisht e planifikuar për në orën 12:00, takimi u vonua me gjysmë ore, por më shumë se 150 kilometrat që ndajnë dy qytetet britanike, përfunduan duke bërë që të shtyhet ndeshja për një datë që do të përcaktohet së shpejti.
Wilshere, 31 vjeç, u emërua si trajner i U18 i Arsenalit në korrik 2022, pasi i dha fund karrierës si futbollist. Ish-reprezentuesi anglez ishte një nga mesfushorët më të mirë të gjeneratës së tij, por lëndimet e penguan që ta shfaq potencialin e tij të plotë.
Ai ka bërë mirë gjatë kohës së tij në krye të grupmoshave U18 të Arsenalit. “Topçinjtë” arritën në finalen e sezonit të kaluar të FA Youth Cup, kompeticioni më prestigjioz për të rinjtë në futbollin anglez, por u mposhtën me rezultat 5-1 nga West Ham në “Emirates”.
Wilshere zhvilloi bisedime me ekipin amerikan Colorado Rapids muajin e kaluar, për pozicionin e menaxherit të tyre, i cili është ende vakant, megjithatë, ish-mesfushori mbetet në krye të U18-ve të Arsenalit për momentin./Telegrafi/