Sonali Arora filloi të publikonte video të vakteve që përgatit për bashkëshortin e saj, Nipun, por shpejt u sulmua. Shumë e thërrisnin atë për rolin e një amvise të viteve ’50 dhe për shkatërrimin e feminizmit.
“Nëse nuk ma thonë këtë, atëherë sulmojnë burrin tim, duke thënë se ai është si një fëmijë dy vjeçar ose se është mizogjen dhe as që e njohin atë”, tha australiania për dailymail.
“Shtëpiakja” pohon se punët e shtëpisë i ndan në mënyrë të barabartë me të shoqin dhe gatimi është një hobi që ajo e pëlqen. Ai përpiqet të mos mendojë për gjuhët e liga, por megjithatë fshin disa komente të pakëndshme.
“Thonë se nuk na përkufizojnë ato që nuk na njohin, por gjithsesi më dhemb kur lexoj gjëra të tilla”, shton 26-vjeçarja.
“Unë gatuaj, ai lan enët. Veç kësaj, pastrimi i banjës dhe fshesa me korrent janë punët e tij”, tregon ajo.
Sonali është e zënë, por thotë se punon nga shtëpia, kështu që ka kohë për të përgatitur ushqime të shijshme për burrin e saj.
“Nëse nuk do të punoja nga shtëpia, definitivisht nuk do të ishte kështu. Më pëlqen gatimi, është gjuha ime e dashurisë dhe diçka që më bën të lumtur. Më gëzon edhe më shumë kur shoh reagimet e burrit ndaj pjatave të mia”, shpjegoi australiania.
Sonali synon të vazhdojë të publikojë ide për ushqim. Ajo inkurajohet nga adhuruesit e ushqimit që e lavdërojnë rregullisht. /Telegrafi/