Australiani australian Tim Shaddock, i cili kaloi dy muaj në Paqësor duke mbijetuar me peshk të papërpunuar dhe ujë shiu, tani është “në gjendje stabile dhe thotë se ndihet shumë mirë”, tha një mjek.
Shaddock, 51 vjeç, nga Sydney dhe qeni i tij Bella u nisën nga Meksika për në Polinezinë Franceze në prill. Megjithatë, një stuhi dëmtoi anijen e tyre disa javë më vonë, transmeton Telegrafi.
Ata u shpëtuan nga një varkë peshkimi këtë javë pasi u pikasën nga një helikopter. Një mjek në bord i tha Australia’s 9Neës, se Shaddock kishte “shenja vitale jetësore”.
Ai filloi udhëtimin e tij prej më shumë se 6000 km nga qyteti meksikan La Paz. Por humbi shpejt në oqean pasi moti i keq shkatërroi pajisjen elektronike të anijes së tij. Për shkak të kësaj, ai dhe qeni i tij Bella mbetën të humbur në Paqësor.
Kur më në fund e gjetën në brigjet e Meksikës dy muaj më vonë, ai ishte shumë më i hollë dhe kishte rritur mjekrën.
“Kam kaluar një situatë shumë të vështirë në det”, tha ai në një video të siguruar nga 9Neës.
“Unë kam nevojë vetëm për pak pushim dhe ushqim të mirë, sepse kam qenë vetëm në det për një kohë të gjatë. Përndryshe, jam në gjendje shumë të mirë shëndetësore”, tha Shaddock, duke shtuar se mjetet e peshkimit e ndihmuan atë të mbijetonte.
Ai arriti të shmangë djegien nga dielli duke u strehuar nën tendën e anijes së tij.
Jo shumë kohë pas shpëtimit, ai u pa duke buzëqeshur dhe duke mbajtur një matës tensioni në krah. Shaddock është në gjendje të konsumojë edhe shujta të vogla.