Pierre-Emerick Aubameyang tregoi klasin e tij në ndeshjen ndërmjet Arsenalit dhe Stoke Cityt, të cilën skuadra e tij e fitoi me rezultat 3-0.
Topçinjtë u fishkëllyen pas paraqitjes jo të mirë në gjysmën e parë, mirëpo në pjesën e dytë të takimit të zhvilluar në Emirates, ata i shënuan tre gola.
Aubameyang e gjeti dy herë rrjetën, një herë nga loja e hapur dhe një herë nga pika e bardhë. Në fund të takimit u akordua edhe një penallti për ekipin e tij dhe sulmuesi nga Gaboni e pati rastin ta kompletonte het-trikun.
Mirëpo, ai nuk u tregua aspak egoist dhe e lejoji Alexandre Lacazetten që ta ekzekutonte dhe ai e realizoi golin e tretë.
?@Aubameyang7 lets @LacazetteAlex take the penalty instead of completing his hat-trick! pic.twitter.com/AJOeFMLXki
— ArsenalGIF (@ArsenalGIF) April 1, 2018
“Natyrisht, e di se Laca(zette) është kthyer dhe mendoj se pasi unë shënova dy herë mund ta lejoja atë që ta ekzekutonte, është gjë normale”.
“(Goli) është gjë e mirë për vetëbesimin e tij, prandaj kjo ishte arsyeja”, ka treguar Aubameyang kur është pyetur se pse ia lëshoi penalltinë bashkëlojtarit të tij.
Lacazette nuk ka luajtur që nga gjysma e muajit shkurt për shkak të lëndimit të gjurit dhe natyrisht se është entuziazmuar me golin e shënuar ndaj Stoke. /Telegrafi/