Pierre-Emerick Aubameyang, si të gjithë tifozët e Barcelonës, është i kënaqur me ardhjen e Robert Lewandowski në klubin katalanas.
Gabonezi dhe polaku ishin më parë bashkëlojtarë te Borussia Dortmund në sezonin 2013/14 ku shënuan 44 gola së bashku.
Tani, ish-lojtari i Arsenalit është i bindur se ai dhe Lewandowski do të jenë edhe më mirë së bashku te Barcelona.
“Ne jemi më me përvojë tani dhe mund të bëjmë më mirë se në të kaluarën. Jam i sigurt që të dy do të bëjmë më të mirën për të mposhtur numrat që arritëm në Dortmund”, ka thënë ai për ESPN.
Aubameyang është i bindur se ish-lojtari i Bayern Munichut do t’i lejojë Barcelonës të aspirojë suksese të mëdha.
“[Barcelona] do të jetë në gjendje të konkurrojë për të fituar tituj me sulmuesit e mëdhenj që ka”.
#Fan | ¡CON LA ILUSIÓN A TOPE! 🤩🤩 Aubameyang se ilusiona por dupla que formará con Lewandowski en el Barcelonahttps://t.co/wFWZiio1jJ
— Reporte Índigo (@Reporte_Indigo) July 23, 2022
“Cilësia e tij është vërtet e çmendur dhe gjithmonë më pëlqen të luaj me të”, deklaroi Auba.
Barcelona luan në mëngjes ndaj Real Madridit./Telegrafi/