Skuadra spanjolle janë në kërkim të një sulmuesi të madh, para fillimit të sezonit të ri.
Atletico Madrid dëshirojnë t’i bëjnë një partner ideal Griezmannit në sulm dhe kështu kanë vendosur t’i vihen pas sulmuesit të Borussia Dortmundit, Pierre Emerick Aubameyang.
Është vet babai i sulmuesit nga Gaboni që ka treguar se finalisti i Ligës së Kampionëve ka shfaqur interesim për sulmuesin e Dortmundit.
Lexo më shumë: Lajmet e fundit nga Transferimet
“Ka pasur interesim nga Atletico dhe nga disa skuadra tjera evropiane. Por, ne kemi edhe katër vite kontratë me Dortmundin dhe në shenjë respekti nuk do të flasim”, ka deklaruar babai i futbollistit për AS.
Ndryshe, Aubameyang është njëri ndër sulmuesit më të mirë në Evropë momentalisht, pas një sezoni fantastik duke shënuar 39 gola në total, ndërsa interesim për të kanë shprehur edhe Manchester City e Real Madrid. /Telegrafi/