PSG e ka refuzuar edhe një tjetër ofertë të Atletico Madridit për Edinson Cavanin.
Shifra prej 15 milionë eurove ishte ofruar së fundmi nga “Los Colchoneros”, shifër që, me sa duket, nuk ka bindur drejtuesit e klubit francez.
Nëse Altetico Madridi dëshiron ta ketë me çdo kusht Cavanin, duhet të ofrojë jo më pak 20 milionë euro.
Madrilenët kanë ende 72 orë në dispozicion para se të mbyllet afati i transferimit të futbollistëve, ndërkohë që mes Cavanit dhe drejtuesve të “Los Colchoneros” është arritur prej kohësh marrëveshja. Pengesë mbetet shuma që kërkon PSG.
Sulmuesi nuk ka më vend në radhët e klubit parisien, diçka e tillë është konfirmuar edhe nga trajneri Thomas Tuchel, i cili preferon më shumë Mauro Icardin.
Futbollisti, ndërkohë, ka refuzuar t’i bashkohet ekipit në stërvitje, duke lënë të kuptohet se e do largimin nga kampionët në fuqi të Francës. /Telegrafi/