Kieran Trippier duket se do të vazhdojë të mbetet pjesë e gjigantit spanjoll Atletico Madrid.
Përkundër spekulimeve të shumta se lojtari do të rikthehet këtë vërë në Ligën Premier, skuadra spanjolle së fundmi ka refuzuar një ofertë të lartë për mbrojtësin.
Gjiganti anglez, Manchester United prej kohësh ka qenë i interesuar për anësorin dhe tanimë ka bërë një ofertë zyrtare.
Gazetari i njohur italian Fabrizio Romano ka raportuar se Los Colchoneros kanë refuzuar ofertë zyrtare nga Djajtë e Kuq prej 40 milionë eurove për lojtarin.
Qëllimi i kampionëve në fuqi të Spanjës është që ta ndalin lojtarin edhe më tej në La Liga, pasi ai është njëri nga më të pëlqyerit të trajnerit Diego Simeone.
Trippier iu bashkua Atletico Madridit në verën e vitit 2019 nga Tottenham Hotspur, derisa ka kontratë deri në vitin 2023 me klubin spanjoll. /Telegrafi/