Ish-portieri i Atletico Madridit dhe Barcelonës, Miguel Reina, ka thënë se finalisti i vitit 2014 në Ligën e Kampionëve meriton ta fitojë këtë garë.
Këto komente ai i bëri në prag të përballjes së këtyre dy skuadrave në Ligën e Kampionëve, transmeton Koha.net.
“Të shohim se çfarë do të ndodhë. Së pari Atletico duhet të përballet me Barcelonën dhe nëse dëshironi të jeni kampion duhet të mposhtni më të mirët. Shpresoj që një ditë ta arrijnë këtë pasi e meritojnë”, është shprehur Reina për Goal.
Spanjolli ka thënë se nuk është i befasuar që Atletico është duke garuar për trofe dhe është në mesin e ekipeve elitare në Evropë, dhe nëse do të arrijë ta eliminojë Barcelonën, me të cilën përballen të martën, do ta bëjë me plot meritë.