Me rritjen e temperaturave, çizmet ua lënë vendin atleteve
Modelet e bardha prej vitesh janë një klasik i pashmangshëm, sepse shkojnë shumë me pothuajse çdo veshje pranverore. Megjithatë, këtë vit duket se një tjetër ngjyrë atlete – kafe, do të bëhet po aq, nëse jo më e shpeshtë, në rrugë.
Nuanca kafe, e cila dominoi palltot, xhaketat dhe pjesët e tjera këtë dimër, tashmë ka pushtuar botën e atleteve.
Edhe pse fillimisht dukej si një trend kalimtar, po bëhet gjithnjë e më e qartë se atletet ngjyrë kafe janë këtu për të qëndruar, duke u bërë konkurrencë serioze për modelet e bardha.
Insajderët e modës dhe të famshmet, si Bella Hadid dhe Dakota Johnson, e kanë përqafuar tashmë këtë ndryshim të sofistikuar. Në vend të ngjyrave të ndezura, ato po zgjedhin gjithnjë e më shumë modele ngjyrë kafe, transmeton Telegrafi.
♬ Infinity – Jaymes Young
Kjo nuancë e ngrohtë dhe e gjithanshme përshtatet në mënyrë të përkryer me tonalitetet pranverore, duke u kombinuar mirë me ngjyrat neutrale dhe pastel, por edhe me nuancat klasike të xhinseve.
Atletet ngjyrë kafe shkojnë shkëlqyeshëm me fustanet dhe pantallonat prej liri, dhe kur kombinohen me copa ngjyrë bezhë dhe të bardhë, krijojnë një kontrast elegant, por pa u bërë monotone.
Për më tepër, atletet ngjyrë kafe i shtojnë një prekje të sofistikuar kombinimeve të përditshme, ndërsa mbeten mjaft të rastësishme për veshjen e përditshme.
♬ original sound – Charlotte Olivia
/Telegrafi/