Një aksion i tillë është ndërmarrë si rezultat i një bashkëpunimi në mes ATK-së, Policisë dhe Inspektoriatit Komunal me të vetmin qëllim, zbatimin e plotë të Ligjit Nr. 2004/35, për Lojërat e Fatit.
“Si rezultat i këtij aksioni është realizuar mbyllja e 126 njësive të Lojërave të Fatit, në Komunën e Gjakovës, Klinës, si dhe regjionet e Prizrenit dhe Gjilanit, të cilat janë ndëshkuar në vlerë 56.875 euro si rezultat i mosrespektimit të ligjit”, ka njoftuar ATK-ja nëpërmjet një komunikate për media.
Aktivitete të tilla të planifikuara dhe të koordinuara në mes ATK-së, Policisë dhe Inspektoriatit Komunal, do të vazhdojnë edhe në të ardhmen, duke mbuluar kështu gjithë territorin e Republikës së Kosovës. /Telegrafi/