Mesazhet në WhatsApp të shkëmbyera ndërmjet sulmuesit të Real Madridit, Karim Benzema dhe reperit francez, Niska, tregojnë se ylli i Los Blancos kishte vetëbesim të madh për ndikimin e tij në ndeshjen e Ligës së Kampionëve kundër Paris Saint-Germainit.
34-vjeçari realizoi një het-trik mahnitës duke fituar me rikthim ndaj PSG-së për t’i kualifikuar Mbretërit në çerekfinale, ndërkohë që skuadra francez u eliminua në mënyrë zhgënjyese.
Ndërsa mesazhet që Benzema ia kishte dërguar Niskas para lojës, tregojnë se ai ishte i përgatitur për të dhënë maksimumin.
La story de @Niska_Officiel il a posté ses messages avec @Benzema
« Ils vont rien faire du tout. C’est mon histoire » 😭🏴☠️ #BenzemaDay pic.twitter.com/8tXL0ovVmU— vanessa Le Moigne (@Vanessalemoigne) March 9, 2022
Gjatë bashkëbisedimit, reperi i ka thënë futbollistit se PSG janë të vendosur për ta mposhtur Realin, porse Karim dhe Vinicius JR kanë qenë në formë shumë të mirë kohët e fundit.
Ndërsa Benzema ia ka kthyer me fjalët: “Ata nuk do të bëjnë asgjë. Ky është tregimi im”.
Niska e ka shpërndarë këtë bashkëbisedim në rrjetet sociale me mbishkrimin: “Ai më paralajmëroi”. /Telegrafi/