Italia është duke vazhduar të luftojë kundër pandemisë së coronavirusit, duke shënuar numrin më të madh të viktimave në botë – 17.127.
Megjithatë, çdo ditë shërohen qindra tjerë, e fatlumët janë ata pacientë që dalin nga reparti i kujdesit intensiv, transmeton Telegrafi.
Në rrjetet sociale është shfaqur një video e titulluar “gara kundër kohës”, në të cilën janë filmuar mjekët dhe infermierët italianë nga reparti i reanimacionit në spitalin “Sister Levante”.
Përveç që mund të shihet nëpër çfarë kalojnë personeli mjekësor, momentet më kulmore janë kur i nxjerrin pacientët nga kujdesi intensiv.
Në fytyrat e pacientëve shihet gëzimi i madh – kjo për faktin se kanë arritur ta fitojnë betejën kundër COVID-19, por gëzimi nuk mungon aspak as në fytyrat e mjekëve dhe infermierëve. /Telegrafi/
