Në shtetin turk ka një numër të madh të artistëve që kanë prejardhje shqiptare.
Disa prej tyre tashmë edhe publikisht që kanë rrënjë shqiptare, të tillë, si aktori Kivanc Tatlitug dhe aktorja, Asli Enver.
Gjithashtu edhe në rrafshin e muzikës, nuk kemi mbetur anash, ku së fundi po lind edhe një yll në Turqi.
Bëhet fjalë për këngëtaren Laureta Gashi, e cila njihet më mirë me emrin artistik Asya Gash.
Kjo e fundit javë më parë ka publikuar videoklipin e ri të këngës së titulluar “Riya”, e cila deri më tani është shikuar mbi 1.1 milion herë në YouTube.
“Jam shumë e lumtur që e shoh këngën time në një prej kanaleve më të famshme të muzikës në Turqi – Kralpop. Besoj që shumë shpejt Riya do të jetë ndër 20 këngët më të dëgjuara”, ka shkruar Gashi në Facebook.
Gashi kishte studiuar në Fakultetin e Arteve të Universitetit të Prishtinës, para se të bartej në Stamboll, ku do ta vazhdojë karrierën në muzikë. /Telegrafi/
