Sot, ASUS shpalli pajisjen e tyre të fundit, Zenfone 6, dhe paketon disa specifika të çmuara për çmimin e kërkuar.
Siç do të prisni nga çdo telefon modern, pajisja vjen në procesorin Snapdragon 855 të Qualcomm dhe kjo është e lidhur me 6GB ose 8GB RAM dhe me 256GB hapësirë ruajtëse.
Tipari i shquar i Zenfone 6 është konfigurimi i kamerës, i cili përbëhet nga dy sensorë. Njëra është kamera Sony IMX 586 – kamera 48MP që është bërë pjesë për shumë telefona të këtij viti – dhe tjetra është një lente me kënd të gjerë 13MP.
Kjo nuk është veçanërisht mbresëlënëse, por ajo që e bën interesante është aftësia e kamerues për t’u rrotulluar nga pjesa e prapme në pjesën e përparme të telefonit, duke ju dhënë të njëjtën cilësi dhe karakteristika të kamerës sikurse merrni në anën e pasme.
Kjo përfshin modalitetin Pro, i cili ju lejon të rregulloni fokusin, ekspozimin dhe më shumë.
Përtej kamerës, Zenfone 6 gjithashtu premton jetëgjatësi të madhe të baterisë me një njësi prej 5,000mAh, e cila duhet të jetë mjaftueshëm e mirë për dy ditë të “përdorimit pa ndërprerje”, por kjo do të varet nga ajo që ju në të vërtetë bëni me telefonin tuaj.
Pajisja gjithashtu mbështet Qualcomm Quick Charge 4.0.
Zenfone 6 vjen në dy ngjyra, Midnight Black dhe Silver Twilight, dhe është i disponueshëm në tre konfigurime për ruajtje dhe RAM.
Modeli bazë ka 6GB RAM dhe 64GB hapësirë ruajtëse, dhe kushton 499 €; modeli 6GB / 128GB kushton 559 euro, dhe versioni i lartë 8GB / 256GB kushton 599 euro. /Telegrafi/