Aktori i njohur shqiptar, Astrit Kabashi ka dalë kundër një vendimi që ka marrë Komuna e Istogut.
Bëhet fjalë për vendimin për të rrënuar Burgun e Gurrakocit, vend ky në të cilin u ushtrua dhunë ndaj shqiptarëve në vitet e 90-ta.
Aktori i cili ka prejardhje pikërisht nga ky fshat, ka bërë një reagim përmes rrjetit social Facebook.
Kabashi ka publikuar një fotografi të burgut famëkeq, ndërsa ka shkruar në mbishkrimin e saj, se do ishte mirë që i njëjti të shndërrohej në muze historik dhe jo të rrënohej tërësisht.
Ky është postimi i tij i plotë (pa ndërhyrje):
“Ky eshte burgu i Gurrakocit, nje burg i tmerrshem i ish regjimit, ne kete burg jane burgosur e maltretuar me mijera shqipetar para dhe gjate luftes, perfshi ketu edhe vllau im dhe djali i axhes Burimi e shume qytetar te komunes se Istogut! Komuna paska vendos me e rrenu. Ky eshte nje gabim i madh. Ne Prishtine nuk u rrenua burgu, por u kthye ne muze, njejte duhet te ndodhe edhe me fatin e kesaj ndertese! Nese nuk dini cfare te beni, te pakten mos rrenoni! Mendoni me shume per vende te reja te punes”, ka shkruar Astrit Kabashi. /Telegrafi/
