Pas pritjes rraskapitëse, Aston Martin më në fund ka zbuluar Valhalla, një veturë supersport me një motor hibrid të vendosur në qendër.
Motori është një kombinim i motorit twin-turbo 4.0 V8 të AMG me një maksimum prej 750 kuaj fuqi dhe me fuqi në rrotat e pasme.
Asistohet nga dy motorë elektrikë me një total prej 204 kuaj fuqi, dhe vetura mund të lëvizë ekskluzivisht me energji elektrike.
Në të gjithë skenarët e tjerë, motori është i ndarë në të dy boshtet, përmes një kuti me tetë shpejtësi të zhvilluar ekskluzivisht për Aston Martin.
Kur bëhet fjalë për performancën, mjafton të themi që motori është i gatshëm të japë deri në 950 kuaj fuqi dhe deri në 1000 Nm çift rrotullues.
Ai kap 100 km / orë për vetëm 2.5 sekonda, dhe maksimumi i shpejtësisë është 330 km / orë.
Për sa i përket aerodinamikës, Valhalla është po aq bindës. Me 240 km / orë gjeneron 600 kg shtytje, dhe pezullimi i përparuar i frymëzuar nga teknologjia F1 siguron kthesa perfekte.
Më në fund, ka frena karboni-qeramike me teknologji frenimi dhe goma të zhvilluara posaçërisht nga Michelin.
Aston Martini do t’i ofrojë pronarit më shumë komoditet, një sistem infotainment dhe madje aftësinë për të rregulluar timonin.
Aston ka instaluar gjithashtu kondicionim të ajrit me dy zona, si dhe të gjithë elementët e mundshëm të sigurisë. Për fat të keq, pamja e kabinës ende nuk është në dispozicion për ne.
Data e dorëzimit është e panjohur, si dhe çmimi po ashtu. Por nuk kemi asnjë dyshim që modeli do të shitet të paktën një vit më parë. /Telegrafi/
