Hulumtuesit nga Universiteti i njohur amerikan, Yale, kanë zbuluar se aspirina e ka zvogëluar vdekshmërinë te minjtë, të cilët janë trajtuar me mbidozë të paracetamolit.
Dr. Wajahat Mehal, ekspert i mjekimit të sëmundjeve të sistemit tretës dhe imunobiolog pranë Universitetit Yale, thotë se aspirina mund të ndihmojë në parandalimin dhe mjekimin e sëmundjeve të mëlçisë, në rastet kur nuk flitet për infeksion.
Sipas tij, aspirina bllokon “rrugën ndërmjetëse”, e cila është përgjegjëse për dëmtimin e mëlçisë nga barnat dhe alkooli. “Plani ynë është që me dhënien e përditshme të aspirinës ta pengojmë dëmtimin e mëlçisë”, thotë Dr. Wajahat Mehal.
Kjo ofron mundësi krejtësisht të re në zvogëlimin e dhimbjes dhe vuajtjes së pacientit me sëmundje të mëlçisë. /Telegrafi/