UEFA sapo ka komunikuar bonuset që do të marrin klubet për lojtarët tyre që bëjnë pjesë në ekipet kombëtare për në Ligën e Kombeve, raporton Mundo Deportivo.
Parashikohet një total prej 240 milionë eurosh do të shpërndahen nga organi më i lartë evropian i futbollit.
Nga këto, një shumë prej 100 milionë do të jetë për pjesëmarrjen në Ligën e Kombeve të edicionit 2020-2021, si ajo që është aktualisht në zhvillim dhe që përfundon në vitin 2023.
Pjesa e mbetur, rreth 140 milionë, ka të bëjë me finalet e Kampionatit Evropian në verën e 2024. Gjithsej 249 ndeshje, duke përfshirë edhe raundin kualifikues paraprak.
Të ardhurat e tilla do të llogariten në bazë të një numri lojtarësh dhe ndeshjesh. Kriteret e vendosura nga UEFA janë si më poshtë:
– Merren parasysh vetëm lojtarët që ishin në raportin e ndeshjes së gjyqtarëve (maksimumi 23 lojtarë për ekip).
– Pagesat bëhen vetëm për klubet që i përkasin një shoqate anëtare të UEFA-s.
– Nuk mund të ndahen përfitime për lojtarët pa klub.
Sa i përket mekanizmit të shpërndarjes, ai pothuajse nuk ndryshon në krahasim me edicionin e mëparshëm. 100 milionët do të jenë për 340 ndeshje të dy edicioneve që UEFA ka organizuar deri tani në Ligën e Kombeve, si në fazën kualifikuese deri në finale.
Pas përllogaritjeve, sipas disa kritereve të përcaktuara nga ‘qeveria’ e futbollit evropian, bonusi për ndeshjet e Ligës së Kombeve do të jetë 3659 euro në ditë për çdo lojtar. Miqësoret që skuadrat mund të luajnë në periudhën 2020-2024, paralelisht me Ligën e Kombeve, nuk përfshihen në këtë shpërblim të UEFA-s. /Telegrafi/